Hluê ngă hdră amĭ pô rông mơ̆ng êpul gưl dlông mtrŭt mjhar, hlăm 2 thŭn êgao, Êpul hgŭm bruă phung mniê čar Dak Lak bi mguôp leh hŏng dŭm êpul êya, grăp čô, phung mâo ai tiê kmah leh anăn dŭm gưl bruă phung mniê đru rông ba 685 čô hđeh êrĭt amĭ ama hlăm kluôm čar hŏng ênoh prăk đru êbeh 7 êklai 800 êklăk prăk.

Hŏng klei đru mơ̆ng phung amĭ pô rông, phung hđeh dưi mâo klei đru wăt kơ mnơ̆ng yua leh anăn ai tiê, lăm hĕ dŭm klei huâng êjai kƀah klei khăp, klei răng kriê. Wưng anei, Êpul mkŏ mjing mđup brei leh klei đru hriăm hră mơar kơ 15 čô hđeh sang hră êrĭt amĭ ama hriăm hră thâo, mđup brei 120 hnư mnơ̆ng kơ phung hđeh êrĭt amĭ ama mâo klei hdĭp dleh dlan leh anăn pah mni 31 čô leh anăn êpul êya êdah êdi hlăm bruă hluê ngă hdră amĭ pô rông hlăm 2 thŭn êgao.