Dak Lak mđup brei braih tết kơ êbeh 18 êbâo gŏ sang
Thứ ba, 10:20, 27/12/2022
VOV TAYNGUYEN
VOV TAYNGUYEN
VOV4.Êđê- Knơ̆ng bruă mnuih mă bruă, kahan êka êkeh leh anăn yang ƀuôn čar Dak Lak ksiêm dlăng leh phung dleh dlan čiăng mâo klei đru hlăm wưng Tết Quý Mão 2023 leh anăn akâo brei đru brei braih kơ êbeh 18.000 gŏ sang, hŏng êbeh 67.674 čô mnuih ƀuôn sang.
Hlăm anăn, lu hĭn ti kdriêk Ea Sup, hŏng 2.150 gŏ sang, leh anăn jing kdriêk M’Drak hŏng 1.865 gŏ sang. Mâo 3 alŭ wăl amâo mâo guôn klei đru jing ƀuôn prŏng Ƀuôn Ama Thuôt, wăl krah Ƀuôn Hồ leh anăn kdriêk Čư̆ Kuiñ.
Hluê si klei čih hlăm klei ksiêm dlăng, Knơ̆ng bruă mnuih mă bruă, kahan êka êkeh leh anăn yang ƀuôn čar Dak Lak mâo hră hưn mdah hŏng Phŭn bruă mnuih mă bruă, kahan êka êkeh leh anăn yang ƀuôn, Phŭn bruă ngăn prăk, mkăp brei kơ čar Dak Lak 1 êklăk 15 êbâo 110 tôn braih čiăng đru kơ mnuih ƀuôn sang hlăm wưng Tết Nguyên đán Quý Mão 2023.
Viết bình luận