Boh nik, hŏng bruă thŭn mrâo mâo klei thâo bi đru thŭn 2023, Êpul hgŭm bruă gru bi kal hrah mâo iêo mkrum leh êbeh 71 êbâo hnư mnơ̆ng kơ dŭm gŏ êsei ƀun, mnuih djŏ êa drao ruă diosin, mnuih amâo mâo jăk asei mlei. Mkra 9 anôk bruă bi đru, đru leh kơ 553 anôk, lehanăn dŭm êbâo gưl čô mnuih ƀun hlăm mlan ngă klei bi đru.

Djă yua nanao sang pui đru mnuih dleh dlan, klei huă ƀơ̆ng amâo mâo liê prăk kăk ti dŭm boh sang êa drao. H’Hương Ayŭn, Khua êpul hgŭm gru bi kal hrah čar lač, hlăm wưng kơ anăp êpul hgŭm bruă hlăk dôk iêo mkrum jih jang dŭm êpul êya, grăp čô mnuih đru kơ sa anôk, mđĭ hĭn klei thâo bi đru kñăm mâo mkŏ mjing nanao bruă thâo bi đru hlăm čar./.