Hlăm ênoh 6.000 čô mnuih ngă hră mơar anei akâo mghaih msir prăk ênua amâo mâo bruă, snăn mâo 4.200 čô mnuih ngă bruă mơ̆ng dŭm čar mkăn, 1.800 čô mnuih ti alŭ wăl. Anôk bruă duah brei bruă mă čar Daklak ksiêm dlăng leh hră mơar, lehanăn mâo klei kčĕ kơ dŭm anôk bruă mâo klei dưi đru brei kơ 5.700 čô mnuih dưi dưn prăk ênua amâo mâo bruă knuă, hŏng ênoh tĭng tla jing 90 êklai prăk.

Nguyễn Văn Cường, K’iăng khua anôk bruă duah brei bruă mă čar Daklak lač, anôk bruă hlăk dôk hgŭm kjăp hŏng anôk bruă ênua yang ƀuôn čiăng mghaih msir bi pral prăk ênua amâo mâo bruă knuă, rơ̆ng mâo klei tŭ dưn kơ mnuih ngă bruă. Mbĭt hŏng anăn, anôk bruă anei lŏ hưn mthâo duah brei bruă knuă kơ mnuih ngă bruă duič bruă knuă hŏng dŭm mta bruă djŏ guôp./.