Nguyễn Văn Nam, k’iăng khua knơ̆ng bruă rŭ mdơ̆ng čar Daknông brei thâo, truh kơ ară anei hlăm čar knŏng mrâo rŭ mkra sa mta bruă klei kơ sang dôk hlăm yang ƀuôn hŏng boh ptrŏng 18 êbâo m2, truh 127 boh sang. Bruă anei mâo rŭ mdơ̆ng ti ƀuôn hgŭm Nghiã Tân, ƀuôn prŏng Gia Nghiã, hŏng ênoh bi liê jih jang truh 139 êklai prăk. Leh 5 thŭn rŭ mdơ̆ng, 3 blư̆ bi mlih kơ hdră êlan duh bi liê, bi mlih pô kiă kriê, lehanăn lŏ mđĭ ênoh bi liê truh 162 êklai prăk, ƀiădah knŏng mrâo bi leh 16 boh sang, 28 boh sang mkăn dôk mkrah dưh.

Lehanăn jih jang bruă rŭ mdơ̆ng leh mơ̆ng êlâo pătdah mâo lu klei ka djŏ, anăp srăng ruh. Ksiêm wĭt kơ jih bruă ngă, Nam brei thâo bruă rŭ mdơ̆ng sang dôk kơyang ƀuôn hlăm čar anei tuôm hŏng lu klei dleh dlan. Sa kdrêč jing čar ƀun ka dưi mâo djăp ôh ngăn prăk pô, lehanăn ka dưi mâo mơh klei bi đru mơ̆ng phung duh mkra. Kdrêč mkăn lĕ, phung rŭ mkra jing êngao knŭk kna ka mâo klei mđing uêñ ôh kơ bruă anei hlăm alŭ wăl, kơ yua dah ka mâo lu ôh anôk duh mkra dưi rŭ mdơ̆ng, snăn klei čiăng kơ sang dôk hlăm yang ƀuôn ka lu ôh./.