Hlăm anăn, năng mđing jing Hdră mtrŭn mkra mlih leh anăn mbha hdră kčah duh bi liê mđĭ kyar phŭn prăk knŭk kna gưl dlông leh anăn prăk knŭk kna gưl čar ngă Hdră kñăm ala čar bi hrŏ ƀun hơĭt kjăp, hdră kčah thŭn 2022; Hdră mtrŭn mbha hdră kčah prăk duh bi liê mđ kyar prăk knŭk kna wưng 5 thŭn (2021 - 2025) hlue ngă hdră bruă mrô 2, 4, 5, 6, 10 hlăm Hdră kñăm ala čar mđĭ kyar bruă duh mkra- ala ƀuôn krĭng mnuih djuê ƀiă leh anăn krĭng cư̆ chiăng kơ dŭm anôk bruă, alŭ wăl.

Huỳnh Thị Chiến Hoà, Khua Êpul gơ̆ng bruă ƀuôn sang čar Dak Lak lač, dŭm hdră mtrŭn dưi bi mklă jing dŭm hdră mtrŭn yuôm bhăn, kñăm bi klă klơ̆ng hdră êlan, hdră bhiăn Knŭk kna djŏ guôp hŏng boh sĭt alŭ wăl, mjing hdră bhiăn kơ dŭm gưl, dhar bruă pŏk ngă, Boh nik jing hdră mtrŭn kơ hdră kñăm ala čar thŭn 2022 leh anăn wưng thŭn 2021-2025./.