Hruê 17/7, Êpul ktuê dlăng (Êpul mă bruă mrô 2) mâo mmông mă bruă hŏng Knơ̆ng bruă sang čư̆ êa čar Sóc Trăng kơ “Bruă pŏk ngă dŭm hdră mtrŭn mơ̆ng Bruă kƀĭn ala kơ Hdră kñăm ala čar mkŏ mkra krĭng ƀuôn sang mrâo, wưng 2021-2025, bi hrŏ ƀun kjăp wưng 2021-2025, mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng wưng 2021-2030".  Yap truh knhal jih thŭn dih, čar Sóc Trăng mâo leh 64/80 să djăp hnơ̆ng čuăn krĭng ƀuôn sang mrâo hnơ̆ng jăk, mâo 3 anôk bruă gưk kdriêk djăp hnơ̆ng čuăn bi leh bruă klam mkŏ mkra krĭng ƀuôn sang mrâo.

Prăk hrui wĭt kah knar grăp čô mnuih krĭng ƀuôn sang đĭ 43,4 êklăk prăk/ čô (đĭ 1,1 blư̆ mkă hŏng thŭn 2020). Êpul ksiêm dlăng bi mni klei tŭ pŏk ngă dŭm hdră kñăm ala čar mơ̆ng čar Sóc Trăng gĭr ktưn leh anăn dưi mâo. Mbĭt anăn mtă kơ Sóc Trăng lŏ dơ̆ng bi leh dŭm klei hưn mdah, lŏ dơ̆ng tŭ mă djăp ênŭm klei blŭ mguôp mơ̆ng Êpul mă bruă, hŏng dŭm klei blŭ amâo tŭ mă brei mâo klei hlak mblang čiăng mbŏ hlăm klei hưn mdah leh anăn mơĭt kơ êpul ksiêm dlăng./.