Hlăm jih jang phung duh mkra êmưt hlăm bruă anei ti Gia Lai, mâo 15 phung duh mkra mơ̆ng knŭk kna, hŏng ênoh ka blei hră ênua jing 12 êklai prăk; 1071 phung duh mkra êngao knŭk kna êmưt blei hră ênua jing truh 48 êklai prăk, 167 êpul êya bruă đuôm nư anôk bruă ênua yang ƀuôn, mâo đa đa khua anôk bruă hlŏng đuĕ leh mdei ngă bruă, hŏng ênoh prăk đuôm nư truh 17 êklai prăk.

Trần Ngọc Tuấn, K’iăng khua kiă kriê anôk bruă ênua yang ƀuôn Gia Lai lač, klei êmưt hnui bruă anei hmăi amâo mâo jăk kơ mnuih ngă bruă ti Gia Lai, kbiă hriê mơ̆ng anôk duh mkra tuôm hŏng klei dleh dlan. Mbĭt hŏng anăn bruă mơĭt klei hưn truh hŏng dŭm êpul êya jing êmưt, snăn anôk bruă bruă srăng duah djăp hdră kñăm ba wĭt klei tŭ dưn kơ mnuih ngă bruă./.