Hlăm klei kƀĭn mơ̆ng Dhar bruă gĭt gai bruă kƀĭn ala tal 18 mrâo êgao, Khua bruă kƀĭn ala Vương Đình Huệ mñă klă, Bruă mă klei blŭ mnuih ƀuôn sang hŏng hdră klei bhiă anei srăng klă klơ̆ng, mâo boh tŭ dưn, ñĕ kơ klei khă bi leh. Bruă mă klei blŭ dưi ngă hŏng hră mơar, mkŏ mjing klei kƀĭn trông, blŭ hrăm, rơ̆ng kơ klei tŭ dưn, klă klơ̆ng, djăp ênŭm klei čiăng mnuih ƀuôn sang.

Hlăm dŭm kdrăp klei mrâo hâo hưn, lu phung knuă druh, đảng viên leh anăn mnuih ƀuôn sang lač, mta phŭn mă boh blŭ čiăng dưi bi mklin kluôm ênŭm, djŏ sĭt leh anăn dưi ksiêm duah, mđing hmư̆, hlăk mblang čiăng bi kluôm hdră klei bhiăn lăn ala mkra mlih. Hdră mtrŭn mơ̆ng Dhar bruă gĭt gai bruă kƀĭn ala mñă klă srăng mđĭ hĭn klei hâo hưn, mntrŭt mjhar mnuih ƀuôn sang đru mguôp boh blŭ