Mkŏ mjing hlăm 3 hruê, Dhar bruă gĭt gai bruă kƀĭn ala srăng brei boh blŭ leh anăn bi klă lu mta phŭn yuôm bhăn. Bi kơ bruă čih mkra klei bhiăn, Dhar bruă gĭt gai bruă kƀĭn ala srăng brei boh blŭ leh anăn bi klă asăp mtrŭn mkra mlih, bi mbŏ dŭm mta hlăm asăp mtrŭn kơ hdră ngă bruă, hdră ksiêm dlăng, bi klă dưn yua hdră êlan ƀuah mkra ti Sang phat kđi yang ƀuôn. Ksiêm dlăng, bi klă bruă mă klei blŭ mnuih ƀuôn sang kơ klei bhiăn lăn ala mkra mlih.

Mbĭt anăn, lŏ brei boh blŭ kơ bruă hưn mdah, mđing hmư̆, mkra mlih klei bhiăn mkă dlăng, mdrao klei ruă (mkra mlih). Ăt hlăm klei kƀĭn, Dhar bruă gĭt gai bruă kƀĭn ala srăng brei boh blŭ kơ bruă mkra mlih ngăn prăk ka yua jih hlăm thŭn 2021 mơ̆ng Anôk bruă jia leh anăn anôk bruă ksiêm dlăng klei mŭt kbiă. Bruă bi mbŏ hdră ngăn prăk knŭk kna kơ ênoh prăk đru mơ̆ng tač êngao thŭn 2021 leh anăn bi klă bruă mbŏ ngăn prăk blei braih lŏ mbŏ hlăm hjiê ala čar.