Knăm anei dưi mkŏ mjing ti ƀuôn Wâu, să Čư̆ Ă, ƀuôn prŏng Pleiku, Blŭ ti knăm anei, Trương Thị Mai h’êč hmưi dŭm boh tŭ ƀuôn Wâu, să Čư̆ Ă dưi mâo wưng êgao. Ƀuôn Wâu dưi bi leh hnơ̆ng čuăn mkŏ mkra krĭng ƀuôn sang mrâo lehanăn dôk gĭr mkŏ mkra krĭng ƀuôn sang ênuk mrâo. Ară anei, hnư hrui wĭt kah knar grăp čô hlăm ƀuôn mâo 44 êklăk prăk/thŭn.

Khua anôk bruă mkŏ mjing gưl dlông Trương Thị Mai lač klă: Mđĭ kyar Lăn dap kngư jing hdră êlan mtrŭn prŏng mơ̆ng Đảng, Knŭk kna lehanăn jing bruă phŭn, mâo klei tŭ yuôm hlăm hdră mđĭ kyar alŭ wăl čiăng gĭr ktưn truh thŭn 2030, lăn dap kngư jing krĭng đĭ kyar pral, h’ĭt kjăp, jiă knhuah djuê ana. Ƀri gưl anei, Khua anôk bruă mkŏ mjing gưl dlông Trương Thị Mai jao leh 5 boh sang tlô, 60 hnư mnơ̆ng, prăk đru hriăm hră kơ gŏ sang ƀun, phung hđeh mâo klei hdĭp dleh dlan./.