Ti anôk mkŏ mjing knăm mơak anei, Khua bruă Đảng ƀuôn prŏng Nguyễn Văn Nên bi mni kơ klei thâo bi mguôp, klei sa ai tiê klei mĭn mơ̆ng phung ƀuôn sang ti alŭ mrô 1, să Bình Chánh hlăm klei hlue ngă klei mtrŭt mjhar, jing leh alŭ wăl ba anăp kơ klei bi mguôp, dưn yua jih klei thâo bi đru hdơ̆ng găp hlăm phung riêng gah mđrăm mbĭt mkŏ mkra ƀuôn sang doh siam, êđăp ênang, mâo klei hdĭp jăk hĭn, kpưn đĭ tlaih mơ̆ng klei ƀun ƀin.

Ƀri wưng anei, Khua bruă Đảng ƀuôn prŏng mđup brei mnơ̆ng hŏng ênoh truh 10 êklăk prăk kơ alŭ mrô 1. Lehanăn, êpul lŏ tŭ mă ênoh srăng mđup brei 15 hnư prăk đru hriăm hră mơar kơ hđeh ƀun, tui si klei mtrŭt mjhar kơ alŭ mrô 1 hlăm thŭn 2023. Mâo lu ênoh mnơ̆ng dưi mđup brei mơ̆ng Dhar bruă mặt trận čar ƀuôn prŏng Hồ Chí Minh lehanăn bruă sang čư̆ êa alŭ wăl ăt mđup brei kơ dŭm gŏ êsei, lehanăn phung hđeh hriăm hră mâo klei hdĭp dleh dlan./.