Bruă kƀĭn ala gưl XV mâo 499 čô bi ala. Hlăm anăn mâo 89 čô bi ala jing mnuih djuê ƀiă, mâo 5 čô khua dlăng bruă klei đăo 119 čô nai mtô leh anăn phung nai hđăp.  Blŭ hrăm hlăm klei bi tuôm, Khua bruă kƀĭn ala Vương Đình Huệ lač, klei bi tuôm anei jing bruă ngă yuôm bhăn jiă kma klei bi mguôp plah wah dŭm djuê ana, bi mklă kơ klei bi tŭ ư klei mĭn leh anăn bruă ngă, thâo săng kơ bruă klam Bruă kƀĭn ala.

Khua bruă kƀĭn ala mtă kơ phung bi ala bruă kƀĭn ala jing mnuih djuê ƀiă, phung knhâo, khua dlăng bruă klei đăo leh anăn phung nai mtô gĭr hgŭm hlăm bruă mkŏ mjing, bi leh hdră bhiăn ăt msĕ mơh klei akâo, ktuê dlăng bruă hlue ngă hdră bhiăn kơ klei mkŏ mjing djuê ana, klei đăo, mđĭ kyar bruă sang hră mtô bi hriăm, kreh knhâo - kdrăp mrâo kñăm mkŏ mjing krĭng mnuih djuê ƀiă leh anăn krĭng čư̆ čhiăng đĭ kyar./.