Khua gĭt gai čar Dak lak wĭt lač kơ klei hâo hưn giăm 3000 čô hđeh sang hră amâo mâo sang hră čiăng nao hriăm
Thứ năm, 09:55, 17/08/2023
VOV Tây Nguyên
VOV Tây Nguyên
VOV4.Êđê - Ti anăp klei hâo hưn giăm 3000 čô hđeh sang hră hriăm ruĕ gưl 2 ti Dak Lak ară anei ka mâo sang hră čiăng hriăm ngă kơ hđeh sang hră leh anăn amĭ ama rŭng răng, khua gĭt gai čar Dak Lak wĭt lač hŏng VOV kơ hdră msir bruă anei.
Hlue si Phạm Minh Tấn, K’iăng Khua bruă Đảng čar Dak Lak, čiăng rơ̆ng klei găl kơ giăm 3000 čô hđeh sang hră dưi mŭt hlăm adŭ 10 hdră mtô jêñ jêñ, êlâo hĭn, bruă Đảng čar gĭt gai Knơ̆ng bruă sang čư̆ êa čar leh anăn dŭm anôk bruă djŏ tuôm brei bi liê prăk leh anăn mâo hdră mtrŭn kơ dŭm Anôk bruă mtô bi hriăm jêñ jêñ, mtô bruă pŏk thiăm adŭ leh anăn mâo hră kuôl kă thiăm hŏng phung nai mtô gưl 3 ti alŭ wăl čiăng mtô bi hriăm.
Kơ hdră kjăp sui, êngao kơ duh bi liê hĭn pŏk mlar kdrăp mnơ̆ng, êpul nai mtô čar srăng ngă hdră hrŏng ruah amâodah ksiêm dlăng hlue si lu mta čiăng rơ̆ng mtăp mđơr hlăm klei ruah sang hră hriăm hlue si klei thâo phung hđeh.
Viết bình luận