Bi ala kơ khua gĭt gai Đảng, knŭk kna, Đỗ Văn Chiến mđup brei leh mnga, hơêc hmưi kơ Anôk dlăng bruă klei đăo, phung khua dlăng bruă klei đăo leh anăn phung đăo khop drông sa yan Noel hơ̆k mơak êđăp ênang, jăk mơak.

Hlăm wưng êgao, dŭm klei đru mguôp mơ̆ng mnuih đăo Khop hlăm bruă hlue ngă jăk dŭm hdră êlan mơ̆ng Đảng, hdră bhiăn mơ̆ng Knŭk kna, dŭm hdră bruă mơ̆ng alŭ wăl đru mkŏ mjing Bình Thuận ƀrư̆ hruê ƀrư̆ jăk siam. Khua Knơ̆ng bruă mặt trận gưl dlông Việt Nam Đỗ Văn Chiến đăo knang hlăm wưng kơ anăp, phung khua dlăng bruă klei đăo, phung đăo lŏ dơ̆ng mđĭ lar ai tiê đăo knang bi hgŭm, đru hlăm dŭm hdră bi lông ktưn khăp kơ ala čar, hdĭp jăk đăo djŏ, hrăm mbĭt mkŏ mjing čar Bình Thuận ƀrư̆ hruê đĭ kyar hĭn./.