Klei bi kƀĭn mâo mkŏ mjing klă anăp lehanăn online mkŏ hŏng 7 anôk ti dŭm kdriêk lehanăn 71 anôk ti dŭm să. Klei bi kƀĭn anei mâo 400 čô phung ngă lŏ hma jing phung kdlưn hĭn bi ala brei kơ êbeh 60.000 čô ƀĭng hgŭm ngă lŏ hma, lehanăn kơ êbeh 400 êpul hgŭm bruă hlăm čar mâo lu klei êmuh kơ Hồ Văn Mười, khua knơ̆ng bruă sang čư̆ êa čar Daknông kơ djăp mta klei dleh dlan, klei gun kpăk, lehanăn jih jang klei phung ngă lŏ hma hlăm čar akâo.

Êlâo anăn phung ngă lŏ hma mơĭt leh truh 300 klei êmuh truh hŏng knơ̆ng bruă sang čư̆ êa čar, akâo bi mâo hdră mghaih msir, ruh mgaih klei jang klei dleh kpăk kơ bruă lŏ hma pla mjing. Kơ djăp klei phung ngă lŏ hma mđing đru ngăn prăk pioh duh kơ bruă, lehanăn klei bi mguôp jih jang bruă knuă mă, mơ̆ng phŭn hlŏng kơ êdŭk ba wĭt klei tŭ dưn klă sĭt./.