Hluê klei bi mklă, êlan pral Tân Phú - Bảo Lộc mâo boh taih hlăm brô 66km.  Hdră anei dưi rŭ mdơ̆ng hluê hnơ̆ng čuăn êlan pral 80km/h, hŏng 4 grông êlan. Ênoh duh bi liê 17.200 êklai prăk. Anôk bruă sang čư̆ êa čar Lâm Đồng mâo klei dưi lehanăn bi hgŭm hŏng phung duh bi liê. Khua knŭk kna mtă kơ dŭm Phŭn, dhar bruă bi hgŭm pŏk ngă kjăp hdră anei.

Mta kñăm ƀrư̆ mkŏ mkra anôk bruă nah gŭ bi knar, bi hrŏ mmông găn êrô plah wah dŭm čar krĭng lăn dap kngư, krĭng duh mkra nah Dhŭng hŏng dŭm anôk bruă duh mkra, ala ƀuôn, tuh tia mkra mjing ti êlan dơ̆ng prŏng mrô 20. Mbĭt anăn, mjing boh kdrŭt mđĭ kyar bruă duh mkra – ala ƀuôn, bruă hiu čhưn ênguê Lâm Đồng lehanăn krĭng Lăn dap kngư. Tĭng, hdră anei srăng dưi ngă leh hlăm thŭn 2026./.