Tlam 4/12 Khua knŭk kna Phạm Minh Chính mbĭt hŏng Êpul mă bruă mơ̆ng Knŭk kna mă leh bruă hŏng phung khua čar Bạc Liêu kñăm tĭng dlăng boh tŭ hdră mđĭ kyar bruă duh mkra – ala ƀuôn thŭn 2022 lehanăn tă hdră mă bruă wưng ti anăp; msir mghaih klei dleh dlan, gun kpăk kñăm đru kơ Bạc Liêu mđĭ lar jăk hĭn klei găl mâo, mđĭ kyar h’ĭt kjăp. Blŭ ti knăm anei, Khua knŭk kna mtă, čar Bạc Liêu mđing hluê ngă tŭ dưn Hdră mtrŭn Klei bi kƀĭn tal XIII mơ̆ng Đảng, Hdră mtrŭn Klei bi kƀĭn bruă Đảng čar.

Mbĭt anăn, Khua knŭk kna mtă brei mđing kơ hdră čuăl mkă čiăng mđĭ kyar. Mjêč bi leh, ba mdah kơ Khua knŭk kna bi mklă lehanăn pŏk ngă tŭ dưn Hdră čuăl mkă wưng 2021 - 2030, hnơ̆ng trah dlăng 2050. Mđĭ hĭn bruă răng mgang klei êđăp ênang ala ƀuôn, klei êđăp ênang bruă kđi čar, bi hgŭm kjăp hlăm bruă răng mgang klei êđăp ênang krĭng knông lăn, mjing klei găl mđĭ kyar bruă duh mkra – ala ƀuôn./.