Asăp mtrŭn lač klă: Čiăng rơ̆ng klei êđăp ênang êlan klông dŭm mlan knhal jih thŭn 2022, rơ̆ng mnuih ƀuôn sang drông Têt Dương lịch, Têt Nguyên đán Quý Mão lehanăn Knăm m’ak yan mnga 2023.

 Khua knŭk kna mtă kơ Dhar bruă răng mgang klei êđăp ênang êlan klông ala čar, dŭm Phŭn, dhar bruă, êpul bruă kđi čar – yang ƀuôn lehanăn Anôk bruă sang čư̆ êa čar, ƀuôn prŏng hlăm gưl dlông hluê hŏng bruă mâo jao gĭt gai lehanăn mkŏ mjing hdră pŏk ngă 8 bruă klam, hdră msir kñăm mđĭ hdră mtô mblang, mtrŭt mjhar mnuih ƀuôn sang hluê ngă kjăp hdră bhiăn răng mgang klei êđăp ênang êlan klông, bi hrŏ klei truh hlăm êlan klông,  boh nik ti dŭm ktuê êlan phŭn, dŭm krĭng mkŏ mjing knăm m’ak; Mđĭ hdră hiu suang dlăng, msir mghaih klei ngă soh hŏng hdră bhiăn êlan klông, mđĭ klei thâo, hnơ̆ng tŭ jăk bruă êlan klông dŭ mdiăng, mkăp kơ klei čiăng găn êrô mơ̆ng mnuih ƀuôn sang./.