Tui si klei akâo mơ̆ng lu alŭ wăl, bruă čoh čuăn ênoh lăn ti đa đa anôk dôk tuôm hŏng klei dleh dlan, gun kpăk kơ klei dưi, bruă kiă kriê, klei ngă hră mơar ngă truh kơ bruă čoh čuăn ênoh ênil kơ lăn ala êmưt mâo bi mklă, hmăi amâo mâo jăk kơ klei duh bi liê dŭm mta bruă duh mkra.

Kñăm čiăng hmao mghaih msir jih jang klei gun kpăk ti dŭm alŭ wăl, khua knŭk kna mtă kơ dŭm phŭn bruă čuăl mkă duh bi liê pral bi leh êlâo kơ hrue 31/7/2023 klei mlih mrâo thiăm mbŏ dŭm mta mtrŭn kơ ênoh lăn, klei mkŏ mjing lehanăn kruak kơ ênoh lăn, bi ksiêm dlăng, pral mâo klei ktrâo atăt kơ dŭm alŭ wăl ruh mgaih klei dleh dlan êjai ngă bruă. Mkŏ mjing êpul nao ksiêm, mtrŭt mghaih msir bi leh jih jang klei dleh dlan kơ ênoh lăn ti alŭ wăl, anôk bruă lehanăn êpul êya. Khua knơ̆ng bruă sang čư̆ êa čar, ƀuôn prŏng hlăm gưl dlông bi čih čuăn kơ ênoh lăn tui si klei dưi pô, amâo mâo ngă bi dleh, bi êmưt, hmăi amâo mâo jăk kơ bruă knuă./.