Ară anei čar Nam Định mâo êbeh 36 êbâo čô kahan êngiă asei, êbeh 41 êbâo čô kahan êka êkeh, giăm 3 êbâo čô amĭ Việt Nam jhŏng ktang, êbeh 10 êbâo čô tuôm bi blah djŏ êa drao ruă. Blŭ hrăm hlăm mmông bi tuôm, Khua knŭk kna Phạm Minh Chính brei thâo, hlăm bruă rơ̆ng êđăp ênang ala ƀuôn, mâo boh phŭn yuôm bhăn jing kriê dlăng kơ phung mâo ai krŭ kdơ̆ng. Khua knŭk kna mñă klă, lăn čar drei hgao lu wưng bi kdơ̆ng sua mă klei êngiê, klei dưi leh anăn hlăm hdră anăn, mâo lu mnuih djiê leh kyua čar kwar, mâo phung wĭt leh ƀiădah amâo suaih pral, ăt klam lu klei jhat mơ̆ng klei bi blah.

 Kyua anăn, Đảng, Knŭk kna mâo klei dleh dlan lu dưn mơh ăt mđing gĭt gai, mkŏ mjing hdră êlan, hlue ngă dŭm hdră êlan bi jăk, djăp ênŭm, đru tla hnô sa kdrêč kơ klei luč liê, săn asei anei. Klei tla hnô anei amâo dưi mđơr ôh hŏng klei săn asei, luč liê mơ̆ng phung jhŏng ktang, êngiă asei, kahan êka êkeh, gŏ sang mâo ai krŭ kdơ̆ng; ƀiădah brei drei ngă jih ai dưi./.