Hŏng ai tiê mpŭ leh anăn hdơr knga amâo mâo knhal hŏng phung jhŏng ktang, lĭng kahan, mnuih ƀuôn sang khăp kơ lăn čar êbuh leh ti Côn Đảo, hlăm ai êwa kdrưh kơăm leh anăn mgei ai tiê, Khua lăn čar Võ Văn Thưởng mbĭt hŏng êpul bi ala myơr leh brui mngưi ti msat khua gĭt gai Đảng Lê Hông Phong, pô khăp kơ lăn čar Nguyễn An Ninh, Võ Thị Sáu..., hŏng klei mpŭ bi hdơr kơ phung asăn asei kyua klei êngiê lăn čar. Khua lăn čar Võ Văn Thưởng pla leh ana kyâo bi hdơr hlăm wăl msat Hàng Dương.

Leh knăm myơr brui mgưi, Khua lăn čar Võ Văn Thưởng mbĭt hŏng phung bi ala nao hlăm knăm bi hdơr hruê djiê phung lĭng kahan krŭ kdơ̆ng leh anăn mnuih ƀuôn sang khăp kơ lăn čar djiê leh ti Côn Đảo, čuh brui mngưi ti anăp knưng čih anăn 2.284 čô djiê êngiă ti sang kkuh mpŭ Côn Đảo.