Đại tướng Tô Lâm bi êdah klei mơak leh să ngă lŏ hma, jiă hma knhuah gru krŭ kdơ̆ng Hưng Tân jing să djăp hnơ̆ng čuăn krĭng ƀuôn sang mrâo leh anăn krĭng ƀuôn sang mrâo đĭ kyar tal êlâo ti kdriêk Hưng Nguyên.  Khua phŭn bruă bi mni kơ klei tŭ êdah êdi bruă Đảng, bruă sang čư̆ êa leh anăn mnuih ƀuôn sang să Hưng Tân, wăl mnuih ƀuôn sang Làng Phan dưi mâo.

Khua phŭn bruă Tô Lâm ăt čang hmăng mnuih ƀuôn sang Làng Phan lŏ dơ̆ng bi hgŭm, hrăm mbĭt mkŏ mjing ƀuôn sang, năng jing gru hmô phŭn mơ̆ng să djăp hnơ̆ng čuăn krĭng ƀuôn snag mrâo. Khua phŭn bruă mtă kơ êpul kahan ksiêm dŭm gưl mơ̆ng čar truh să, brei păn kjăp boh klei, hmao thâo ƀuh, kčĕ leh anăn msir mgaih tŭ dưn bruă mâo hlăm ƀuôn sang; krơ̆ng kjăp klei êđăp ênang, jăk mơak kơ yang ƀuôn./.