Đại tướng hơêč hmưi, yap yuôm bhăn dŭm boh tŭ dưn mơ̆ng mnuih ƀuôn sang alŭ Đăk Tiêng Kơ Tu mâo leh hlăm dŭm thŭn êgao. Đại tướng mñă: Bi mguôp jing hdră êlan prŏng mơ̆ng Đảng leh anăn Awa Hồ kñăm bi lar klei ktang kluôm djuê ana. Jing leh klei mưng mơ̆ng lu thŭn hŏng anei, bruă mkŏ mjing hruê knăm klei bi mguôp djuê ana jing leh knhuah gru jăk siam, ba bruă mặt trận truh hŏng êpul êya yang ƀuôn, mđing truh kơ grăp gŏ sang leh anăn grăp čô.

Wưng anei, Đại tướng mđup brei 100 boh sang bi mguôp kơ mnuih ƀuôn sang dŭm djuê ana čar Kon Tum hŏng kluôm ênoh 5 êklai prăk. Êpul ngă bruă leh anăn čar Kon Tum ăt mđup brei hnư mnơ̆ng kơ giăm 100 gŏ sang knŭk kna dlăng ba leh anăn gŏ sang ƀun ƀin ti să Đăk Lak.