K’iăng khua knŭk kna čang hmăng bruă Đảng, sang čư̆ êa lehanăn mnuih ƀuôn sang să Êa Tul mđĭ lar ai tiê hgŭm mguôp, nao hgŭm hlăm hdră răng mgang klei êđăp ênang ala ƀuôn, bi kdơ̆ng hŏng klei mčeh luar kñăm bi kdơ̆ng hŏng Đảng, Knŭk kna lehanăn ngă luič klei bi hgŭm mguôp djuê ana ti alŭ wăl să lehanăn kluôm čar Dak Lak, đru mkŏ mkra yang ƀuôn êđăp ênang, rơ̆ng klei hdĭp h’ĭt ênang mơ̆ng mnuih ƀuôn sang.

Ti knăm anei, bi ala Phŭn bruă kahan ksiêm, dŭm gưl bruă ti Dak Lak mđup leh Hră pah mni kơ lu êpul, mnuih mâo boh tŭ êdah kdlưn hlăm hdră jih jang mnuih ƀuôn sang răng mgang klei êđăp ênang ti să Êa Tul wưng êgao. K’iăng khua knŭk kna ăt mđup brei lu hnư mnơ̆ng kơ gŏ sang knŭk kna dlăng ba, dleh dlan ti să./.