Blŭ hrăm ti knơ̆ng bruă sang čư̆ êa să Thanh Long, kdriêk Văn Lãng, k’iăng khua lăn čar Võ Thị Ánh Xuân čih pioh, lehanăn bi myuôm ai tiê thâo bi mguôp, gĭr hgao jih klei dleh dlan mơ̆ng bruă Đảng čar, bruă sang čư̆ êa čar Lạng Sơn lehanăn kdriêk Văn Lãng mâo leh dŭm boh tŭ dưn hlăm klei mđĭ kyar bruă duh mkra ala ƀuôn, bi mlih klei hdĭp phung ƀuôn sang.

K’iăng khua lăn čar mta hlăm wưng kơ anăp, čar lŏ dơ̆ng dưn yua jih klei găl mâo klei bi mguôp kjăp hlăm bruă mđĭ kyar klei duh mkra. Ƀri wưng anei, k’iăng khua lăn čar mđup brei lu mnơ̆ng kơ dŭm gŏ êsei knŭk kna dlăng ba, gŏ êsei ƀun, phung hđeh dôk hlăm klei dleh dlan ti kdriêk Văn Lãng lehanăn knuă druh lĭng kahan kđông răng mgang knông lăn Na Hình, kdriêk Văn Lãng. Tlam anăn, k’iăng khua lăn čar Võ Thị Ánh Xuân ăt nao čuă lehanăn mđup brei mnơ̆ng kơ 200 čô mnuih ngă bruă dôk hlăm klei hdĭp dleh dlan hlăm alŭ wăl./.