Bruă anei mâo ngă tui si klei hgŭm anôk bruă mđĭ kyar wăl hdĭp mda Japon, Êpul hgŭm phung djŏ êa drao ruă diosin Việt Nam lehanăn hgŭm hŏng Japon. Truh kơ ară anei, hdră mjuăt bi hriăm mâo leh 4 čô kỹ sư bruă lŏ hma lehanăn 6 čô phung truăn kơ bruă mdrao mgŭn đru kơ mnuih amâo mâo jăk asei mlei kyua djŏ êa drao ruă diosin.

Mbĭt hŏng anăn dhar bruă mơ̆ng Janpon đru kơ ƀuôn rông ba phung djŏ êa drao ruă diosin, iêo mkrum leh truh êbeh 270 čô mnuih Japon, bi mguôp prăk kăk mdơ̆ng sang mŭng pioh pla djam ti ƀuôn prŏng Hồ Chí Minh. Truh kơ ară anei, bruă pla mjing djam mtam doh mâo ba wĭt leh klei tŭ dưn prŏng, mâo mkăp mjeh kơ anôk pla mjing ti wăl êngao ƀuôn prŏng. Jih jang klei bi mnia mblei mâo čhĭ hlue êlan Internet lehanăn čhĭ kơ mnuih čiăng blei ti anôk rang čhĭ, ba wĭt prăk mnga jăk kơ mnuih amâo mâo jăk asei mlei./.