Klei kƀĭn mñă klă, krĭng Lăn Dăp Kngư jing alŭ wăl hdră êlan bruă lĭng kahan – klei êđăp ênang, mâo lu klei hgăm arưp aram kơ klei êđăp ênang, klei êđăp ênang jing mta phŭn yuôm bhăn čiăng răng mgang klei êđăp ênang ala čar, rơ̆ng kjăp klei êđăp ênang mơ̆ng gưl să, ƀuôn hgŭm srăng dưi rơ̆ng klei êđăp ênang ala čar.  Mđĭ kyar bruă duh mkra, dhar kreh, yang ƀuôn, rơ̆ng kơ bruă lĭng kahan, klei êđăp ênang, bruă hŏng tač êngao jing hdră êlan tur knơ̆ng čiăng răng mgang klei êđăp ênang, hơĭt kjăp krĭng Lăn Dăp Kngư.

Blŭ gĭt gai klei kƀĭn, Khua hlăm êpul bruă Đảng Trương Thị Mai mñă klă, klei ngă bi luč klei êđăp ênang mrâo êgao ti hruê 11/6 djŏ tuôm klă anăp hŏng klei hdĭp mnuih ƀuôn sang mnih djuê ƀiă ti čar Dak Lak leh anăn krĭng Lăn Dăp Kngư. Khua gĭt gai Đảng, knŭk kna mâo klei uêñ mĭn gĭt gai, ktrâo lač mđĭ kyar bruă duh mkra ala ƀuôn, răng mgang klei êđăp ênang krĭng Lăn Dăp Kngư.