Anei jing hdră mtrŭt mjhar tŭ yuôm hlăk êbeh 610 êbâo čô mnuih ti Kon Tum, mâo giăm 55% ênoh mnuih djuê ƀiă dôk mâo klei hdĭp dleh dlan lehanăn ênoh gŏ êsei mnuih djuê ƀiă ƀun truh êbeh 95%.

Čiăng dưi mâo mta kñăm truh thŭn 2025, čar Kon Tum mâo mơ̆ng 70% ênoh gŏ êsei ƀun, giăm ƀun dưi bi mlih klei mĭn, hdră ngă, ƀrư̆ lui klei bhiăn amâo djŏ mơ̆ng đưm, gĭr tlaih ƀun h’ĭt kjăp; êbeh 25% ênoh gŏ êsei ƀun lehanăn giăm ƀun mnuih djuê ƀiă mâo klei hdĭp mkra mđĭ jăk hĭn. Anôk kriê dlăng bruă Đảng čar Kon Tum ba mdah leh hdră msir, msĕ si: Mđĭ lả bruă klam kiă kriê mơ̆ng dŭm gưl bruă hŏng hdră “Nao grăp krĭng, khŏk ƀăng grăp sang”, “Djă kngan ktrâo bruă”, bi mguôp dŭm Hdră bruă kñăm mơ̆ng ala čar…