Boh nik, si klei ksiêm yap mơ̆ng knơ̆ng bruă sang čư̆ êa čar Kontum brei ƀuh dŭm anôk bruă djŏ tuôm hlăm knơ̆ng bruă sang čư̆ êa čar, knơ̆ng bruă sang čư̆ êa dŭm kdriêk, ƀuôn prŏng, knơ̆ng bruă sang čư̆ êa gưl să, mghaih msir êgao hrue truh 18 êbâo 394 hră mơar, hlăm êbeh 235 êbâo 871 hră mơar jih jang. Năng mđing êdi mâo 2 êbâo 429 hră mơar jing êgao hrue leh ƀiădah ka mghaih msir ôh.

Ti anăp klei anăn, hrue mbrue, knơ̆ng bruă sang čư̆ êa čar kontum mâo leh hră mơĭt kơ anôk bruă djŏ tuôm hlăm čar, Êpul kiă kriê alŭ wăl duh mkra, knơ̆ng bruă sang čư̆ êa dŭm čar, ƀuôn prŏng mđing mghaih msir djăp mta klei dôk gun kpăk êlâo kơ hrue 5/11. Lehanăn khua knơ̆ng bruă sang čư̆ êa čar mta brei mâo klei ƀuah mkra ktang hlei pô ngă soh, bi rŭng bi dleh phung ƀuôn sang. Rơ̆ng mghaih msir bi leh jih jang hră mơar êmưt, lehanăn mâo klei hâo mdah mơ̆ng pô djă akŏ, êpul êya ngă bruă anăn mâo klei akâo klei pap mñai hŏng phung ƀuôn sang, phung duh mkra djŏ hŏng hdră mtrŭn mrô 61/2018 mơ̆ng knŭk kna./.