Hruê 26/7, Trung tướng Thái Đại Ngọc, Khua kahan krĭng 5 hŏng Êpul mă bruă kahan krĭng 5 nao čhưn, mđup brei mnơ̆ng kơ Amĭ Việt Nam Jhŏng Ktang, gŏ sang knŭk kna dlăng ba, kahan êka êkeh ti kdriêk čar Cẩm Lệ  leh anăn kdriêk Hoà Vang, ƀuôn prŏng Đà Nẵng.

Bi ala kơ knuă druh, lĭng kahan krĭng 5, Trung tướng Thái Đại Ngọc bi êdah klei hdơr knga hŏng phung Amĭ Việt Nam jhŏng ktang, êka êkeh, gŏ sang knŭk kna dlăng ba amâo hơưi tuh êrah mčah klang kơ bruă bi blah krŭ kdơ̆ng, hluh lir lăn čar. Ti alŭ wăl kahan krĭng 5, êbeh 180.000 čô êngiă asei, 176 êbâi kahan hđăp săn asei hlăm dua klei bi blah bi kdơ̆ng hŏng Prăng, hŏng Mi. Ară anei, kahan krĭng 5 lŏ dơ̆nyg tiŏ nao 3 êpul dua msat phung êngiă asei ngă bruă klam tui duah ti 2 ala čar Lao leh anăn Campuchia.