Wưng mă klei blŭ anei mphŭn mŏng hruê 3/1/2023 lehanăn mjưh ruê̆ hlăm hruê 15/3/2023. Hdră mtrŭn bi mklă, mta kñăm mă klei blŭ anei kñăm mđĭ lar klei ngă phŭn mil pô, bi êdah klă klei mĭn, klei čang hmăng mơ̆ng mnuih ƀuôn sang kơ bruă čih mkra Hdră bhiăn Lăn ala (mkra mlih), mjing klei sa ai hlăm mnuih ƀuôn sang hŏng hdră êlan mtrŭn mơ̆ng Đảng, Knŭk kna kơ bruă lăn ala, mđĭ klei thâo săng hlăm bruă hluê ngă hdră bhiăn, klei đua klam mơ̆ng dŭm êpul, anôk bruă hlăm bruă bi leh hdră mtrŭn kơ lăn ala, djŏ guôp hŏng klei bhiăn mđĭ kyar bruă duh mkra tă hluê hdră êlan yang ƀuôn ngă phŭn.

Bruă mă klei blŭ mơ̆ng mnuih ƀuôn sang brei hluê ngă hŏng klei kreh knhâo, ngă phŭn mil pô, klă mngač, rơ̆ng klei tŭ jăk lehanăn mkiêt mkriêm./.