Bruă anei mâo ênoh bi liê hlăm brô 70 êklăk prăk, jing gơ̆ng pui hŏng msĕ si lehanăn ăngpul pui truh 40 boh bi êran hŏng pil yang hrue pioh mtrang bi mngač truh 2km êlan. Anei jing bruă kuič mngač krĭng knông lăn tal 4 lh kđông kahan knông lăn Êa Hleo bi mguôp hŏng êpul đru dŏng NDG ƀuôn prŏng Hồ Chí Minh, rŭ mdơ̆ng sa Ia Lôp.

Ăt hlăm hrue 1/12, kđông kahan knông lăn Ea Hleo lehanăn êpul đru dŏng NDG mđup brei 40 hnư mnơ̆ng, grăp hnư hŏng ênoh 150 êbâo prăk kơ dŭm gŏ êsei dleh dlan ti sa Ia Lôp. Wưng anei, knơ̆ng bruă kiă kriê kahan răng mgang knông lăn čar Daklak mđup brei leh 100 pŏk hla čhiăm gru lăn čar kơ phung ƀuôn sang./.