Aguah mbrue 2/8, mâo klei dưi mơ̆ng khua lăn čar, Đại tá Trương Minh Đương – Khua knơ̆ng bruă kahan ksiêm čar Lâm Đồng mbĭt hŏng phung k’iăng khua knơ̆ng bruă kahan ksiêm čar Lâm Đồng mđup brei leh mêđai mrô 3 kơ 3 čô kahan ksiêm êlan klông djiê êngiă, mâo: Trung tá Nguyễn Khắc Thường, Thiếu tá Lê Quang Thành lehanăn Đại úy Lê Ánh Sáng săn asei mlei djiê êngiă êjai dôk ngă bruă ti kčŭn kping čư̆ Bảo Lộc.

Mơ̆ng anăn, phung khua kiă kriê kahan ksiêm čar Lâm Đồng nao truh kơ grăp boh sang kahan ksiêm djiê êngiă čiăng mđup brei mêđai răng mgang lăn čar mrô 3, kơ găp djuê phung kahan ksiêm djiê êngiă. Lehanăn kơ dŏ mâo mđup brei mêđai kyua bruă knuă, đru mguôp leh hlăm bruă rŭ mdơ̆ng leh anăn răng mgang klei êđăp ênang lăn čar. Tui si Đại tá Trương Minh Đương: Hlăm klei dôk ngă bruă phung knuă druh kahan ksiêm Nguyễn Khắc Thường, Lê Quang Thành lehanăn Lê Ánh Sáng mâo nanao bruă đua klam, bi leh jăk bruă kčah jao./.