Anôk mbŏ pil kơ êdeh êran hŏng pui kmlă dưi dưm ti Anôk čhĭ êa săng êa pui mrô 63 hlăm Knơ̆ng bruă čhĭ êa săng êa pui Dhŭng Lăn Dap Kngư, ti êlan 30/4, ƀuôn hgŭm Ea Tam, ƀuôn prŏng Ƀuôn Ama Thuôt. Anei jing anôk mbŏ pil tal êlâo hlăm sang čhĭ êa săng êa pui hlăm Êpul grup êa săng êa pui Việt Nam ti krĭng Lăn Dap Kngư klă sĭt dưi ba ngă bruă.

Tinei mâo 3 anôk mbŏ pral, grăp gơ̆ng mâo hnơ̆ng pui kmlă 60 KW, djăp kơ klei čiăng mbŏ pil kơ êdeh êran hŏng pui kơ phung yua. Thŭn kơ anăp, Êpul grup êa săng êa pui Việt Nam srăng bi hgŭm hŏng Knơ̆ng bruă mnia blei leh anăn Hdră bruă Vinfast pŏk ngă hdră mkŏ dăp 500 gơ̆ng mbŏ pil kơ êdeh êran hŏng pui kmlă ti sang čhĭ êa săng êa pui mơ̆ng êpul grup hlăm kluôm ala./.