PC Dak Lak: Bi mlih mrô, mkăp kơ klei čiăng mđĭ kyar bruă duh mkra – ala ƀuôn
Thứ năm, 09:54, 10/11/2022
VOV TAYNGUYEN
VOV TAYNGUYEN
VOV4.Êđê- Hluê ngă hdră mlih mrô, truh ară anei, Anôk bruă pui kmlă Dak Lak bi leh klei ba mdah hră m’ar hŏng bruă sang čư̆ êa alŭ wăl, ba yua boh hră siñê mrô, mkăp mrô kơ jih jang knuă druh, mnuih mă bruă.
Kdrăp bi kƀĭn online, mă bruă mơ̆ng kbưi dưi hluê ngă ti jih anôk bruă. 100% anôk bruă pui kmlă hluê ngă hdră mă bruă online ti hnơ̆ng 4. 100% hră m’ar hlăm hdră mă bruă dưi msir mghaih hluê hdră điện tử. Bruă ksiêm dlăng kdrăp pui kmlă ăt dưi yua kdrăp mrâo.
PC Dak Lak dưi mkra leh êlan pui kmlă 110kV hluê hnơ̆ng čuăn GIS, ksiêm dlăng hră m’ar, mrô hluê kdrăp WebGIS... Hŏng dŭm hdră mrâo, Anôk bruă pui kmlă Dak Lak hlăk dôk mđĭ hdră mlih mrô, hluê ngă hdră mkra êlan pui kmlă ba yua kdrăp mrâo mrang čiăng mkăp kơ klei čiăng yua jăk hĭn mơ̆ng mnuih ƀuôn sang lehanăn hdră mđĭ kyar bruă duh mkra – ala ƀuôn mơ̆ng alŭ wăl./.
Viết bình luận