Anei jing gŏ sang ƀun ƀin, sang dôk êlâo dih điêt leh anăn jhat rai, amâo mâo dưi rơ̆ng klei êđăp ênang kơ 5 čô hlăm gŏ sang. Mơ̆ng 60 êklăk prăk Knơ̆ng bruă pui kmlă đru, gŏ sang Lê Văn Tam lŏ mkum mguôp čiăng bi leh bruă rŭ mjing sang mâo ênhă êbeh 100m2 . Hlăm wưng anei, Knơ̆ng bruă pui kmlă Dak Lak lŏ mđup brei sa boh tivi kơ gŏ sang čiăng kơ gŏ sang lŏ mâo thiăm mnơ̆ng yua hlăm sang mrâo.

Dưi thâo, anei jing sa hlăm 5 gŏ sang dleh dlan mâo Knơ̆ng bruă pui kmlă Dak Lak đru rŭ mjing sang klei khăp hlăm gưl anei. Dŭm boh sang dưi rŭ mjing leh anăn ba jao kơ dŭm gŏ sang đru kơ diñu mâo klei êđăp ênang ti anăp yan hjan hlĭm, mâo thiăm boh kdrŭt gĭr ktưn hlăm klei hdĭp.