Lŏ dơ̆ng hlăm hdră klei kƀĭn tal 4, bruă kƀĭn ala gưl 15, hruê mbruê 3/11, bruă kƀĭn ala lŏ dơ̆ng klei ksiêm êmuh leh anăn wĭt lač klei êmuh Khua phŭn bruă mkŏ mkra Nguyễn Thanh Nghị. Mbĭt anăn mâo klei êmuh hŏng Khua phŭn bruă klei mrâo leh anăn hâo hưn Nguyễn Mạnh Hùng kơ bruă ksiêm dlăng mrô đĭng blŭ, akŏ mrô, mgaih msir klei sim mgưt, mkŏ mjing bruă duh mkra mrô, knŭk kna mrô.

Êngao anôk bruă kƀĭn ala, phung bi ala hmăng hmưi, Phŭn bruă klei mrâo leh anăn hâo hưn srăng mâo sa hdră mkŏ mkra đru kơ bruă mkŏ mjing yang ƀuôn mrô, knŭk kna mrô. Boh nik jing hdră êlan mlih mrô, dưi yua klei hưn mthâo mrâo mrang kơ krĭng taih kbưi, krĭng mnuih djuê ƀiă. Boh sĭt bruă mkŏ mkra mrô ară anei ti dŭm krĭng tiah kbưi ka djăp ênŭm ôh hnơ̆ng čoh čuăn.

Phung bi ala hmăng hmưi Phŭn bruă klei mrâo leh anăn hâo hưn srăng mâo hdră êlan čiăng mkra wĭt, bi mrâo leh anăn mkŏ mjing bruă mkŏ mkra mrô ti Việt Nam.