Dhar bruă kƀĭn ala bi klă mkŏ mjing klei kƀĭn trông phung bi ala bruă Kƀĭn ala thơ̆ng kơ bruă gưl tal 4, wưng păn bruă gưl 15 čiăng bi trông, mguôp klei blŭ kơ 9 hdră bhiăn hưn mdah hŏng bruă kƀĭn ala hlăm klei kƀĭn tal 6. Klei kƀĭn phung bi ala bruă kƀĭn ala thơ̆ng kơ bruă dưi mkŏ mjing hluê hdră kƀĭn sa anôk ti Anôk bi kƀĭn Diên Hồng, Sang bruă Kƀĭn ala mơ̆ng hruê 28 – 30/8/2023. Klă klơ̆ng, phung bi ala bruă kƀĭn ala srăng bi mguôp klei blŭ hlăm dŭm hdră bhiăn mâo: lăn yua (mkra mlih), Mnia mblei sang lăn (mkra mlih), Dŭm êpul bruă ngăn prăk (mkra mlih), sang dôk (mkra mlih), êa jua (mkra mlih), Dăng kông (mkra mlih), hră kak asei (mkra mlih), Êpul răng mgang klei êđăp ênang, kriê dlăng, răng mgang anôk bruă lĭng kahan.

Anei jing dŭm hdră bhiăn mâo đa đa boh klei prŏng mâo lu klei blŭ mdê mdê, mâo leh Bruă kƀĭn ala brei klei blŭ bi mguôp hlăm klei kƀĭn tal 5 mrâo anei, Hlăm anăn Bruă kƀĭn ala brei klei blŭ tal 2 hŏng hdră bhiăn lăn yua (mkra mlih), leh anăn brei klei blŭ tal 1 kơ 8 hdră bhiăn adôk.