Ênoh đru mâo 350 êklăk prăk, mơ̆ng prăk đru ba ala ƀuôn Knơ̆ng bruă pui kmlă kwar Krah leh anăn PC Dak Nông. Mbĭt hŏng bruă đru rŭ mdơ̆ng sang, Knơ̆ng bruă mkŏ dăp pui kmlă leh anăn blei kơ dŭm gŏ sang kdrăp pioh yua hlăm gŏ sang msĕ si tivi, gŏ êsei, dhiăr pưh hŏng pui kmlă…

Dưi thâo hlăm wưng êgao, Knơ̆ng bruă pui kmlă Dak Nông gĭt hlue ngă dŭm bruă đru kơ ala ƀuôn, mđing kơ êpul êya. Hjăn hlăm 5 thŭn giăm anei, Knơ̆ng bruă đru rŭ mdơ̆ng 21 boh sang; mkra mđĭ kdrăp mnơ̆ng hŏng pui kmlă, bi mlih êlan klei pui đru kơ gŏ êsei ƀun, gŏ sang knŭk kna dlăng ba, mđup brei kdrăp mnơ̆ng pui kmlă kơ dŭm sang hră; mkŏ dăp kdrăp mtrang mngač dŭm ktuê êlan krĭng ƀuôn sang… hŏng ênoh 3 êklai 4 êtuh êklăk prăk./.