VOV4.Êđê -  Hruê anei, 27/10, Anôk bruă kƀĭn ala bi trông leh online kơ klei čih mkra Hdră mtrŭn kơ dŭm klei bhiăn, hdră mđĭ kyar mdê hjăn mơ̆ng 4 alŭ wăl, mâo: Hải Phòng, čar Nghệ An, Thanh Hóa lehanăn Thừa Thiên- Huế. Mâo phung bi ala lač snei, pŏk ngă hdră mtrŭn mdê hjăn čiăng mtrŭt mđĭ bruă duh mkra alŭ wăl jing djŏ guôp, ƀiădah brei rơ̆ng kjăp “Lăn dliê, lăn mdiê”. Phung bi ala mñă klă, bruă amâo dưi răng mgang dliê ba leh klei truh kjham, hmăi amâo jăk truh kơ hdră mđĭ kyar h’ĭt kjăp, boh nik hlăk klei hưn răng kơ bruă wăl hdĭp mda dôk bluh mâo msĕ ară anei. Kyua anăn, klei bhiăn mdê hjăn kơ bruă kriê dlăng lăn ala lehanăn bi mlih mta kñăm ba yua lăn, boh nik lăn dliê, đru bi ênưih klei ngă hră m’ar, mjing klei găl kơ dŭm alŭ wăl tơdah čiăng bi mlih mta kñăm ba yua lăn. Ƀiădah bruă bi mlih brei hluê ngă djŏ guôp lehanăn ba wĭt boh tŭ dưn klă sĭt, boh nik hlăm bruă rơ̆ng kjăp wăl hdĭp mda lehanăn đĭ kyar h’ĭt kjăp./.

H Nêč pô mblang