VOV4.Êđê- Blŭ hrăm hlăm hrue bi kƀĭn tal dua mơ̆ng klei bi kƀĭn tal 5 klei trông čhai gưl dlông gưl 14, Bruă kƀĭn ala Triều Tiên, Kim Jong-un brei thâo, triều Tiên srăng mkŏ wĭt êlan bi blŭ hrăm mjêč dua kwar Triều Tiên mơ̆ng akŏ mlan 10, msĕ si “Sa kdrêč hlăm klei gĭr bi sĭt klei jih djuê ana dôk hmăng hmưi mđĭ mlih klei bi mguôp dua kwar Triều Tiên ară anei kñăm mâo klei bi mguôp lă lar hlăm kjhôč ksĭ triều Tiên” Tui si knơ̆ng bruă klei mrâo Gưl dlông Triều Tiên, Kim Jong un lŏ mñă klei mĭn sa hnơ̆ng mơ̆ng ala čar anei jing: Êlâo kơ bi êdah klei mjưh mdei bi blah, Hàn Quốc brei mâo klei bi mlih hĕ jih klei amâo mâo thâo bi djŏ, lehanăn lui hĕ jih klei bi roh, kñăm čiăng mâo klei thâo bi mpŭ hdơ̆ng găp. Lehanăn brei thâo, anei jing bruă prŏng năng bi mghaih msir hĕ êlâo kơ mđĭ mlih jih jang hdră êlan klei bi mguôp dua kwar lehanăn pŏk êlan kơ mgi dih mngač tač hĭn./.

Pô mblang: Y-Khem Niê