VOV4.Êđê - Hruê 27/10, ti Hà Nội, Phŭn bruă lŏ hma leh anăn mđĭ kyar krĭng ƀuôn sang mkŏ mjing klei bi trông kluôm ala mguôp klei blŭ hlăm hră čih Hdră čuăl mkă răng mgang leh anăn ba yua klei găl mơ̆ng kan hdang wưng 2021-2030, hnơ̆ng trah dlăng truh thŭn 2050. Kan hdang jing bruă duh mkra phŭn, krơ̆ng kjăp bruă klam hlăm hdră mđĭ kyar lăn čar, hŏng hnơ̆ng ƀrư̆ hruê ƀrư̆ pŏk mlar, mâo hnơ̆ng đĭ kyar ktang, mjing ênoh yuôm mkra mjing prŏng. Hdră kñăm mbĭt mơ̆ng Hdră čuăl mkă răng mfang leh ahnăn ba yua klei găl mơ̆ng kan hdang wưng 2021-2030, hnơ̆ng trah dlăng truh thŭn 2050 mđing truh kơ bruă rơ̆ng klei tŭ dưn ngă bruă, mguôp hŏng klei răng mgang, krŭ wĭt, mđĭ kyar klei găl kan hdang, mđĭ kyar bruă trah mă kan hdang hơĭt kjăp leh anăn mâo bruă klam, răng mgang wăl hdĭp mda, mdrơ̆ng hŏng klei bi mlih yan adiê, djŏ guôp hŏng klei čiăng ñŭ kma hŏng tač êngao, răng mgang klei êđăp ênang ala čar hlăm dŭm krĭng êa ksĭ, plao ksĭ hlăm klei dưi leh anăn klei dưi bi trông ala čar mơ̆ng Việt Nam.

H Zawut pô mblang