VOV4.Êđê- Hluê ngă klei gĭt gai mơ̆ng K’iăng khua knŭk kna Vũ Đức Đam kơ bruă mkŏ mjing Knăm nao čuă msat Khua gĭt gai Hồ Chí Minh, bi hdơr kơ phung kahan jhŏng ktang djiê êngiă, Anôk kriê dlăng msat Khua gĭt gai Hồ Chí Minh hưn mthâo: Mơ̆ng hruê 30/10/2021, Anôk kriê dlăng msat Khua gĭt gai Hồ Chí Minh hưn lŏ tŭ drông dŭm anôk bruă, mnuih, êpul bruă kđi čar – ala ƀuôn mŭt čuă msat Khua gĭt gai Hồ Chí Minh, bi hdơr kơ phung kahan jhŏng ktang djiê êngiă lehanăn nao čuă dlăng krĭng wăl anei. Hdră mkŏ mjing klei nao čuă, knăm bi hdơr lehanăn hiu čhưn dlăng djiêu gah krĭng anei, Anôk kriê dlăng msat srăng hluê ngă kjăp hdră gang mkhư̆ klei ruă Covid 19 hluê klei kčah mtrŭn mơ̆ng Hdră mtrŭn 128/NQ-CP hruê 11/10/2021 mơ̆ng Knŭk kna lehanăn klei ktrâo lač mơ̆ng Phŭn bruă mdrao mgŭn./.

                                                    Pô mblang: H’Nêč Êñuôl