VOV4.Êđê - Hdră kčah kluôm mđĭ kyar hdră bruă kdrŭn ksĭ Việt Nam wưng 2021-2030 leh anăn hnơ̆ng trah dlăng 2050 mrâo mâo Phŭn bruă êlan klông dŭ mdiăng mkŏ mjing hưn mdah tlam 7/10. Anei jing Hdră kčah mâo Khua knŭk kna bi mklă hlăm hruê 22/9/2021, boh nik jing klei yuôm bhăn kơ bruă mđĭ kyar bruă duh mkra- ala ƀuôn. Hdră čuăl mkă kluôm mđĭ kyar hdră bruă kdrŭn ksĭ bi mklă leh kdrŭn ksĭ jing bruă yuôm bhăn mơ̆ng hdră bruă nah gŭ hlăm bruă êa ksĭ, kơ bruă nah gŭ hlăm bruă duh mkra- ala ƀuôn, jing sa hlăm tlâo mta êdeh kdlưn hluê si Hdră mtrŭn Klei bi kƀĭn tal XIII mơ̆ng Đảng, brei mđing duh bi liê mđĭ kyar mđrăm mbĭt, mrâo mrang.  Klei găl pioh mđĭ kyar kdrŭn ksĭ wưng anei lu jing iêu mkrum mơ̆ng prăk êngao knŭk kna mâo truh 95% hlăm ênoh 313 êbâo êklai prăk klei čiăng prăk duh bi liê kơ kdrŭn ksĭ.

H Zawut pô mblang