VOV4.Êđê - K’iăng khua knŭk kna Phạm Bình Minh mrâo mâo leh hră mtrŭn mtă kơ Phŭn bruă êlan klông, kiă kriê hgŭm hŏng Dhar bruă răng mang klei êđăp ênang êlan klông pral mâo bruă ksiêm dlăng lehanăn hâo mdah hŏng khua knŭk kna, ênoh bi klă jih jang bruă mơ̆ng Dhar bruă răng mgang klei êđăp ênang, lehanăn mtă kơ Dhar bruă răng mgang klei êđăp ênang dŭm alŭ wăl ngă mtam bruă ksiêm dlăng ênoh mnuih mâo klei dưi, kñăm đru hlăm bruă bi kjăp ênoh mnuih ngă bruă răng mgang klei êđăp ênang êlan klông ară anei. K’iăng khua knŭk kna mtă kơ phŭn bruă kahan ksiêm gĭt gai jih jang dŭm êpul êya, alŭ wăl lŏ dơ̆ng hyuă kjăp hĭn tui si klei čiăng ksiêm dlăng, lehanăn mghaih msir klei ngă soh hŏng klei êđăp ênang êlan klông, mbĭt hŏng bruă mdrơ̆ng hŏng klei ruă tưp, ngă hmăi amâo mâo jăk kơ klei dŭ mdiăng mnơ̆ng dhơ̆ng, lehanăn klei phung ƀuôn sang êrô hiu, ngă đĭ hĭng bi mtưp lar klei ruă tưp./.

Y Khem pô mblang