VOV4.Êđê -  Aguah 27/10, ti anôk bruă Sang mđung asăp blŭ Việt Nam, 58 Quán sứ Hà Nội, mkŏ mjing Klei bi kƀĭn bi hgŭm Việt Nam – Indonesia tal IV hŏng hdră tlă anăp leh anăn onlnie. Hlăm klei bi kƀĭn, phung bi ala bi trông, bi mklă hưn mdah ksiêm dlăng bruă ngă mơ̆ng Êpul hgŭm hlăm 5 thŭn êgao, kčah hdră mơ̆ng Êpul hgŭm hlăm wưng 2021-2026.

Klei bi kƀĭn ăt ngă klei ruah Anôk bruă gưl dlông Êpul hgŭm, Anôk dlăng bruă, Anôk ksiêm dlăng leh anăn dŭm anăn khua gĭt gai phŭn mkăn hlăm êpul hgŭm. Êpul hgŭm Việt Nam – Indonesia gĭr đru mguôp hlăm klei mkra mđĭ, klei bi hgŭm, pŏk mlar mjĕ êrô hlăm jar mrâo hlăm klei bi hgŭm hdră bruă. Êpul bi hgŭm mđĭ lar bruă klam mkŏ, bi hgŭm plah wah dŭm ƀĭng hgŭm dua ala čar, đru mđĭ ktang klei bi hgŭm, ba yua klei găl kơ klei mđĭ kyar bruă duh mkra, ala ƀuôn, răng mgang klei tŭ dưn ala čar.

H Zawut pô mblang