VOV4.Êđê - Hrue mbrue (21/9), knŭk kna Italia hưn mthâo ênoh lŏ dơ̆ng đru truh 796 êbâo hnơ̆ng vaccine AstraZeneca kơ Việt Nam tui si hdră mơ̆ng COVAX pioh kơ Việt Nam mdrơ̆ng hŏng klei ruă tưp covid 19. Klei bi klă anei mđĭ ênoh vaccine đru kơ Việt Nam jing êbeh 1 êklăk 600 êbâo hnơ̆ng, čiăng kơ Việt Nam dưi jing ala čar dưi mâo ênoh vaccine lu hĭn mơ̆ng ala čar Italia đru hlăm tar rŏng lăn. Italia ăt jing sa ala čar hlăm EU đru leh vaccine lu hĭn kơ Việt nam hlue hdră COVAX. Anei jing klei thâo bi đru yuôm bhăn, lehanăn pral, čiăng bi êdah klei thâo bi mguôp mơ̆ng knŭk kna lehanăn phung ƀuôn sang Italia hŏng Việt Nam hlăm wưng dleh dlan. Êlâo anăn, hrue 14/9, Việt Nam mâo tŭ mă leh truh 812 êbâo 60 hnơ̆ng vaccine mơ̆ng Italia đru pioh kơ bruă tlŏ mgang hŏng klei ruă tưp Covid 19./.

Y Khem pô mblang