VOV4.Êđê - Aguah anei, tui si mmông Japon, Japon srăng lŏ pŏk ƀăng drông jum phung nao hriăm leh anăn mnuih mă bruă mơ̆ng Việt Nam nao mă bruă leh lu mlan mdei hĕ kyua klei hmăi mơ̆ng klei ruă tưp Covid-19, hŏng dŭm klei čoh čuăn leh tlŏ mgang leh anăn bi ktlah bruă mdrao mgŭn. Čiăng dưi nao kơ ala čar Japon, mnuih mă bruă srăng ngă djŏ hŏng dŭm hdră êlan gang mkhư̆ klei ruă tưp ti ala čar anei. Klă klơ̆ng bi kơ mnuih mă bruă dưi tlŏ ênŭm leh 2 aruăt vaccine ƀiă êdi 14 hruê hŏng 1 hlăm 3 mta vaccine dưi tŭ yap ti Japon jing Pfizer, Mordena, Astrazeneca leh anăn mâo boh tŭ amâo ƀuh kman hlăm klei ksiêm mkă PCR hlăm wang 72 mmông êjai nao mŭt hlăm ala čar, srăng dưi bi hrŏ hruê mmông bi ktlah jing 3 hruê. Bi kơ phung ka tlŏ mgang vaccine amâodah tlŏ êngao kơ 3 mta vaccine kơ dlông, êngao kơ bruă mâo boh tŭ hlăm klei ksiêm mkă PCR amâo ƀuh kman hlăm wưng 72 mông, ăt srăng lŏ bi ktah ti sang 14 hruê leh mŭt hlăm ala čar Japon.

Y Ƀel pô mblang