VOV4.Êđê - Kñăm đru bi pral kơ phung ƀuôn sang dôk hlăm alŭ wăl bi ktlah, boh nik jing dŭm gŏ êsei ƀun, gŏ sang mnuih djuê ƀiă, gŏ sang dôk hlăm klei dleh dlan ti kdriêk Dak Rlâp, čar Daknông mtrŭt leh phung ƀuôn sang mâo klei bi mkrum êbeh dŭm êtuh tôn mnơ̆ng ƀơ̆ng lehanăn djap mtam. Snăn, mơ̆ng hrue 7/9 truh kơ ară anei, kdriêk Dak Rlâp mâo iêu mkrum leh truh êbeh 55 ton braih, 66 tôn djam mtam, giăm 1 êbâo 300 hnư mnơ̆ng ba truh kơ anôk bi ktlah sa anôk halwm čar. Jing alŭ wăl tal êlâo ti Daknông ngă klei bi ktlah gang mkhư̆ klei ruă tưp, Phạm Văn Hải, Khua să jing jai să Quảng tín, kdriêk Dak Rlâp brei thâo, hŏng klei sa ai hrăm mbĭt hŏng dŭm anôk bruă êpul êya lehanăn phung ƀuôn sang, dŭm gŏ sang lehanăn mnuih mâo klei sa ai bi đru čiăng kơ anôk bi ktlah mâo djăp mnơ̆ng ƀơ̆ng huă. Dua anôk dleh dlan hĭn êdi jing Bon Bu Bir lehanăn Bu Zêč, ƀiădah truh kơ ară anei klei ruă tưp dưi ksiêm dlăng leh, lehanăn phung ƀuôn sang lŏ wĭt msĕ si aguah tlam./.

Y Khem pô mblang